نبغي تكوني مستورة نشوفك غير أنايا

كلمات للمرحوم كمال مسعودي... اليكن يا حوريات الجزائر



نبغي تكوني مستورة نشوفك غير أنايا
وأنت في أحسن صورة حين تكوني معايا

ما نبغي الثوب الفاضح ذاك لباس الكفار
ليك أنت ما هو صالح أحنا مسلمين أحرار

حديث النبي واضح بعدو ما كان خيار
ليك أنا راني ناصح ما نبغيلكش لضرار

نبغي تكوني نوارة بين الياسمين تميل
وعلى راسك فولارة و لباس يكون طويل

ماشي كي بنات النصارى، في الزنقة نهار و ليل
في كل يوم زيارة، ألف صاحب و خليل


نبغي تكوني مثال بالأخلاق الحميدة
بعيد على القيل والقال والبدعات الجديدة

تكسبي راحة البال و المعيشة السعيدة
أنت بنت الحلال مولات العين سويدة


بغيتك زوجة ليا و نتعاشرو لثنين
معاك صفات النية يا كاملة الزين

نبنيو حياة نقية معطرة بالياسمين
غير أنا وأنتيا و الذرية الصالحين


أنت اللي معاك نويت نعدي كل حياتي
ليك لي نفتح البيت و نحقق أمنياتي

ننسى كل ما قاسيت ربي يغفر زلاتي
على النبي صليت و نختم به أبياتي
 

b.sarah

عضو مميز
رد: نبغي تكوني مستورة نشوفك غير أنايا

واااااااو أبيات هاااااااايلة للمرحوم المبدع ..
شكرا لك أخي الجاهد ... ننتظر الجديد من هذا النوع
 
رد: نبغي تكوني مستورة نشوفك غير أنايا

السلام عليكم

ابيات شعرية لا تحتاج منا لا لمدح ولا لثناء فقد كفت نفسها وطيبت خاطر من مر بها وقرأها

وأشد ما استقطبني فيها هو تميزها بالعذوبة والسهولة وغرضها النصحي والإفادي البحت

تقبل مروري وكذا تحياتي
 
رد: نبغي تكوني مستورة نشوفك غير أنايا

السلام عليكم

ابيات شعرية لا تحتاج منا لا لمدح ولا لثناء فقد كفت نفسها وطيبت خاطر من مر بها وقرأها

وأشد ما استقطبني فيها هو تميزها بالعذوبة والسهولة وغرضها النصحي والإفادي البحت

تقبل مروري وكذا تحياتي
صحيح فطريقة النصح جميلة جدا و هادئة ان كانت للزوجة أو للأخت
شكرا لكل ما شاركنا الموضوع
 
أعلى