جولة افتراضية في عمق المجتمع الجزائري .....

الموضوع في 'منتدى الحوار العام' بواسطة المهاري, بتاريخ ‏26 ابريل 2010.

  1. المهاري

    المهاري عضو مميز

    الجزء الأول :

    في اول جولة قادتنا الى مجموعة من الشباب في الحي يرتدون ثياب فاخرة تقربنا منهم لنسألهم ... لكن فوجئنا بأحدهم يصرخ " يا خو بالاك ... راك ديرتنا les grains" ...اه عفونا لم نكن ندري انهم منشغلون جدا "بالتقرعيج" في الطالعين و الهابطين او بالأحرى الطالعات و الهابطات حيث لما سألناهم عن هذا الفعل "اللا أخلاقي" ..رد أحدهم بإمتسامة صفراء "راني باغي نخطب يا خو ... ياك حلال" .. لا عليه 'قولولي واش رايكم في المعيشة' ... ردو بعفوية "واش من معيشة يرحم باباك ما مكان معيشة ما والو في هذا البلاد ... اللي حبو ربي رهو هرب ذاك العام ... "

    استقلينا سيارة اجرة , حيث بمجرد ان بدأنا السير حتى بدأ بسرد معاناته و معيشته المزرية حيث من الحين الى اخر يشتم هذا السائق و ويشتم ذاك ...في الطريق لمحنا تلاميذ يخرجون من مؤسساتهم يبدو انه الاضراب ... علق قائلا "واش يحوسو هذو ربعة ملاين في الشهر و ثلاثة ساعات في النهار وما قنعوش ... واش يحوسو فوق هكذا" .... تركنا صاحب سيارة الأجرة و مشاكله و توجهنا الى مقهي لحسن حظنا و جدنا استاذ حيث كان جالس يدخن في سيجارة و علامات "البؤس بادية عليه" ... "السلام عليكم , واش راك يا استاذ" ... "شوية .. شوية رانا نصارعو في هاذ المعيشة" ... "واش يا استاذ ياك سمعنا بلي زادلكم في الخلاص و زيد راكم خير من بزاف من الناس" ..."واش من زيادة يرحم باباك ... زيادة هاديك نشري بها كاوكو ... زيد بالزيادة انتم قاعدين غير تعسو فينا علاش ما تشوفوش خدامة تع سونطراك اللي الاخر فيهم يخلص عشر ملايين ".... تركنا الاستاذ بحاله اتصلنا بأحد الاصدقاء العامليين في سونطراك "السلام عليكم واش راك" ... "نقولو لاباس" ..."من المفروض راكم الاحسن حالا في الجزائر ولا راني غالط ؟" ..."شكون يقول هكذا" ..."الناس كامل ... و يقولو اللاخر فيكم يخلص عشر ملايين" ...."لا حول و لا قوة الا بالله ... والله ما تفوت 6 ملايين .. زيد هدا اللي راهو يهدر قولو يجي يشوف حالتنا هنايا في حاسي مسعود تحت حرارة 40 درجة على الاقل و ضغط الغاز و ضغط العمل زيد ما تشوفش دارك على اسبوع . وزيد ...وزيد.. هل تشوف هكدا رانا عايشيين ينعل بو ستة ملايين هادو... " . ........
     
  2. عابرة سبيل

    عابرة سبيل عضو مميز

    رد: جولة افتراضية في عمق المجتمع الجزائري .....

    كل يشتكي مأساته
    كل يفرغ همه في الثاني
    طالب العلم على الأستاذ...الأستاذ على الحكومة...
    البائع على الشاري...والشاري على البائع...والشعب على الدولة..والكل يتفق على "الوطن" بالعامية.."لبلاد هاذي..مافيها والوا"

    ترى لو يوما قرر الوطن ان يشتكي ظلمنا وجورنا عليه...لمن سيشتكي..ومن سيسمع ليشكواه ويجديه...



    رحمك الله ياجدي..لحد يومنا هذا لم أجد جوابا ..
    .
    .
    .
    .
    .
    لما إستشهدت.؟..




    [U]صحيح[/U]...موضوعك مؤلم..حد الأرق

    كن بخير
     
  3. elmoudjahid

    elmoudjahid عضو مميز

    رد: جولة افتراضية في عمق المجتمع الجزائري .....

    واحد ما يستقنع واحد ما يحمد ربي
     
  4. راية النور

    راية النور عضو جديد

    رد: جولة افتراضية في عمق المجتمع الجزائري .....

    السلام عليكم
    شكرا على الموضوع الرائع
    في الحق لمعيشة في الجزائر شوية انا الحمد لله راني مهنية في دارنا بصح شفت بلي المعرفة هي لي تمشي بلادنا
    و هادي ادوها رسمي مني
    انا كي نروح طبيب ما نديرش لشان يدخلني قبل الناس psq عندو مصلحة معى بابا و هادي الحاجة العيانة و كي نقولهم وعلاه الحقرة يقولك مادخليش روحك هادي دزاير طاق على من طاق ربي يهدينا كامل
     
  5. المهاري

    المهاري عضو مميز

    رد: جولة افتراضية في عمق المجتمع الجزائري .....

    مرروك جميل شكرا لك عابرة سبيل ... ردك في مستوى الفكرة التي وددت الوصول اليها
    بارك الله فيك
     
  6. المهاري

    المهاري عضو مميز

    رد: جولة افتراضية في عمق المجتمع الجزائري .....

    بالضبط اخي مجاهد ... ربي يصلح الاحوال
     
  7. المهاري

    المهاري عضو مميز

    رد: جولة افتراضية في عمق المجتمع الجزائري .....

    شكرا على مررورك راية النور ...

    المعريفة موجودة في جميع بقاع العالم و ليس في الجزائر فقط ... ولكن لي يقول دزاير داق على من داق ما نيش معاه ....الغريب يتخذونها ذريعة ....
     
  8. zyzy

    zyzy عضو مميز

    رد: جولة افتراضية في عمق المجتمع الجزائري .....

    يا أخي عندك الحق في كل ما قلته لقد لخصت أحوال مجتمعنا في موضوعك ...وكيما قالوا الاخوة قبلي واحد ما يشكر الله على نعمه ....وأحب أضيف أن الشعب الجزائري عندو عقلية لا توجد عند شعب أخر كيما يقولو ا بالعامية الشعب الجزائري يحبها راقدة و اتمونجي ...
     
  9. mr_mustapha

    mr_mustapha عضو مميز

    رد: جولة افتراضية في عمق المجتمع الجزائري .....

    كل واحد يشكي هموا
    القناعة كنز لا يفنى
     
  10. عبير المهجات

    عبير المهجات عضو مميز

    رد: جولة افتراضية في عمق المجتمع الجزائري .....

    السلام عليكم ورحمة الله وبركاته

    هؤولاء الشاكون التافهون مشاريعهم كلام وحججهم صراخ وأدلتهم هذيان لا تستطيع أن تطلق على أحدهم لقبا مميزا ولا وصفا جميلا حتى لو كانوا في مجالهم فليسوا بادباء ولا كتاب ولا خطباء ولا تجار ولا اطباء ولا موظفون ولا أساتذة بل هم أصفار على يسار الرقم يعيشون كالذباب الذي يبحث عن الجرح منشغلون بحساب الناس والرقابة على افكارهم وتصرفاتهم والحكم على ضمائرهم

    الله يهدي ما خلق
    مشكور اخي على الموضوع المميز الذي يحاكي الواقع المرير
     
  11. logina

    logina عضو مميز

    رد: جولة افتراضية في عمق المجتمع الجزائري .....

    القناعة خيي القناعة كنز لا يفنى
     
  12. اشراق

    اشراق عضو مميز

    رد: جولة افتراضية في عمق المجتمع الجزائري .....

    شكرا على طرحك للموضوع
    خلاصة القول ان الكل غير راضي عن وضعه و ينظر للاخر متمنيا ان يصبح في مكانه و يركز فقط على ايجابيات ذلك الوضع متناسبيا سلبياته
    و هذه طبيعة الانسان لا يقتنع ابدا بما اعطاه الله
    يجي علينا دوما ان تذكر كلامه عز و جل * لئن شكرتم لأزيدنكم*