المجرب في علوم النساء

مرت بي علاقات قصيرة
عرفتني أن النساء دولة خطيرة
فيها المجلس الأمني
والمجلس الثوري
والمجلس الشوري
والحزب المعارض
والحزب الحاكم ....
في قلب الجزيرة
مبناه كالصرح العاجي أو البرج العالي
أسواره اختلاطات ومتاهات
تسبيك بدلها وقدها
والتواءات خصرها
كأنها الأرض المستديره............
تستميلك بجاذبيتها
إن أدخلتك عينها المديره
تقلباتها العاطفية
كجدائل شعرها الهاربة الهائمه
أو قل............ كالتقلبات الجوية الكبيره
وأنت في هذه المدينة تذكر
أن تخرج قلبك منها وتذكر....أن تتكر
في أعينهن عالم السحر
عالم من آي الجمال المبعثر
رمادي على أسودعلى أزرق على أخضر
ماشئت من الجمال المسخر
وأنت ترى هذا البحر
إن لم تستطع أن تبحر ..لا تبحر
إنها ياصديقي المتاهة الصوتية
إنها الجاذبية الأرضية
إن كان فيك قلب
حاذر أن تتخطفه الريح
أو يتلقفه الطرف المليح
************
كل اللواتي دخلن معركتي
لم ينتبهن أن في القلب مقبرتي
فيها حبيبتي...ميتتي
أشتهي ضم الثرى
فأنسى أن النساء
دولة خطيرة
 

عادل

عضو مميز
رد: المجرب في علوم النساء

آآآآآآآآآآآآآه يا عبد الرحمان لو علمت انك تخفي جمرا.......................... لما اعدت لك ذكريات الغزل
اعذر قلبا تكاد نوبتك تصل نصف ما وصل وليتني املك شجاعتك لاخخف عن نفسي

لا تكن كئيبا لاجل من احبوك
وامنح نفسك الحب كما منحوك
هذه عبرة توصل اليها اخوك

تقبل مروري اخي في الكلمات والذكريات والامنيات ....................وفي القلب شتات
 
رد: المجرب في علوم النساء

عادل أعرف أنك نعم الصديق ولا نفاق وأنت تحس ماأعانيه وأقدر موقفك لكن ياعادل إعلم أن الحب في نظري لايكون إلا مرة واحدة ومابعدها كم يؤسفني أن أقولها مجرد هرطقات سرابية من زمن الإحتراق
هايييييي لقد استفزيتك الآن في المناضرة لاتؤاخذني أردت أنيسا فقط
 

عادل

عضو مميز
رد: المجرب في علوم النساء

هههه اعرف ذلك لكن اقول لك قصة عن النسر عندما يشيخ فانه تكون له طريقتين للبقاء

اما ان ينتف ريشه لينمو بدله ريش ويكسر منقاره لينمو له منقار جديد ويعيش امدا جديد

واما يلقى بنفسه من عل ليموت سريعا

واراك لم تلقي بنفسك هههه اتوقع ان تحلق شعرك وتلبس قشابية بدل سروال كلاسيك لتعود عبدو الجديد ههههههه مزحة فقط
 
رد: المجرب في علوم النساء

تعرف شعري نحيت مرة وحدة في العسكرية الله لا يشوفك كرهت اليوم ليزدت فيه ونزيد نحيه ضركة حرام عليك ياعدولة
المهم الحمدلله عايش عادي مانيش نمشي أونبكي بصح كي طيح الليل ولا تصب لمطر واش نقولك الله لا يبلي مسلم آخر كيفي خاصة ليقلوبهم حساسة
 

عادل

عضو مميز
رد: المجرب في علوم النساء

النقطة الوحيدة لي نختلفو فيها هي نتا مع لمطر وانا مع الشمس هههههههه

يا خويا يا خويا واش نقولك كون ندخل للبحر يتبخر وكون ندخل للصحرا تولي بحر

الكنوز غالية بصح غلاها فالقلوب يا بن عمي

ومتفهمش بزاف راني لي نجي نححي عليه نزيدو ههههه
 
رد: المجرب في علوم النساء

ساعات ياعادل تبانلي تتمسخر صح بصح أنا حكاياتي انقولها لي حب يدعيلي بالخير والنسيان هذاك مانتمنى الواحد يطلب لهنا أو راحة البال وإذا ربحنا صحبة كيما أنت ثاني الله إيبارك بالاك انجي انشوف عدولة ليراهو امقلب المنتدى خليتني نهدر بالدارجة دير رايك مع أني أكرهها
 

عادل

عضو مميز
رد: المجرب في علوم النساء

ربي يجيب شفاء القلب علبالي راك صحيح الجسد

والدارجة مليحة فيها عبر متلقاهمش فالفصحى

نبان برك نتمسخر واللي فالقلب راهو فالقلب

نشالله وعلاه لالا نتلقاو ونحكيو نشالله بصح راني كي القرد تشوفني تفحت هههههههه
 
رد: المجرب في علوم النساء

رانا كامل قرودة لاه ان شاء الله حاطني كيماليراهو في الصورة ماتقلقش وعلاش لازم تكون مالاك باش نرحب بيك واش راك تشوف في حتى أختي مازالها صغيرة باش طيح فيك عندنا طفلة وحدة ياعدولة واحنا ستة أرقام خطيرة وأنا حارس المرمى بصح لوكان تشوف الأميرة انتاعنا هي ملكة جمال السهوب حتى في البرج ماتلقاش حتى عينها
 

عادل

عضو مميز
رد: المجرب في علوم النساء

هههه علبالي منلقاش لخطراش يقولك زين الطفل وزيدو نص هههه

وانا ثاني طفيلة وحدة وزادت راحت لبيتها

بصح حنا تاع بسكات بال برك انا ديفونسور وهوما اطاكو

تقول مرض قابضنا منجيبوش لبنات صقصيت جدتي قاتلي لعرب هكذا

اولاد خلوف لتسمع بيهم وعندك تزعفهم
 
رد: المجرب في علوم النساء

نسمع بيهم ماتنساش العرب في الجزائر من قبيلة واحدة تبقى الظروف التاريخية هي الفيصل بينهم وإذاكان علباسكات بول معناها راك طويل ولا غالط
المهم أتفق معك في كون الذكورة والأنوثة عامل وراثي وهذا حاصل فعلا بالتجارب العلمية ماذا أقول والله الحالة صعيبة بزاف خاصة إن كنت واحدا محاطا بسبع إناث أخوات واحنا والحمد لله وحدة برك دلوعة الدار أربعة ينوات كالبرعم الزهري إسمها آمال لوكان تعرف الأم العزيزة كانت دائما تدعوالله يارب طفلة برك أومانزيدش وكان الأمر في غرة الثامن مارس من العام الفين وخمسة
 

عادل

عضو مميز
رد: المجرب في علوم النساء

سمعت انها قبيلة اولاد نايل لكن حسب علمي نحن من تلمسان جئنا مع بني حماد بعد سقوط الدولة الزيانية
وهناك عرش هناك لهم نفس عاداتنا وتقاليدنا والله اعلم

اتعرف ان عندنا عروش بزاف من الجلفة اصلهم وهم اولاد رميلة من حد الصحاري ، اولاد عيسى نسبة الى عيسى بن نايل

اولاد برحال لان جدهم كان رحال ولكنهم ذابو في اسم اولاد خلوف رغم ان اجدادهم مختلفين

بارك الله لكم في زهرتكم الجميلة
ونعم الجمال ونعم الاصول الاصيلة

البنات نعمة فالدار لكن اذا كثرو ؟؟؟؟؟؟؟
 
التعديل الأخير:
أعلى