الامثال الشعبية الجزائرية

karikim

مشرفة سابقة
قالوا في القضاء والقدر=دير الهم في الشبكة شيء يطيح او شيء يبقى.
قالوا.ايضا =عبيد ابونا كي نكبروا يتزوجونا
وعن العناية الالاهية=ربي حنين كريم
وقالوا في الشك والقلق=الذيب حلال الذيب حرام .الترك احسن.
كثر همه واش يلمه.
وعن المظهر الخداع=الاعمش في بلاد العميان كحل لعيون والشبوب يبان في الوسخ....فلان فلان مكسي ولا عريان.ههه.
الاولين ما خلاو ما يقولوا للتوالي.
وقالو ا عن شريعة الاقوياء=الزبدة لزبيدة والزبل لعبيدة.و الي ماهو في القلب ينسوه الكرعين.
النار او لا عمار عمار او لا ولده.
وقالوا عن الوفاء=اللي خرجت من الفم تتسمى دين.+حريق ابداني ولا فراق اوطاني.
كلمتك كي بنتك اعرف وين تحطها.
وقالو ا عن الصداقة=العدو مايولي صديق والنخالة ما تولي دقيق.واصل لعداوة المزاح
الخلطة تردي والجرب يعدي يا زعطوط يا ولدي.
الشلاوشية يصحبوك الصباح او يتركوك لعشية
اللي ما بقاوله حباب يزوروه لكلاب
وقالوا عن اليقضة والحذر واللامبالات=ارمش طارت عينك(اي التيقظ الشديد لازم)
اللي في كرشه التبن يخاف من النار.
فلان يخاف خيالو+كان ذبانة ولى ثعبان.
وين طولها وين عرضها.
وقالو عن السلوك= ما يجلس في الباب غير الداب واللا الجايح في الكلاب
هيب او لا تعيب
و قالو عن عزة النفس=الطمع يفسد الطبع
اللي ما عنده قلب كي الكلب
الي ما عنده قلب يموت سمين
خلط روحك مع النخالة ينقبك الجاج
ربي خلق النيف للنيف ماشي للخنونة
وقالوا عن الزواج=الدار والمراة ما فيهم شركة
الدارضيقة والراجل مهبول.
صام عام وفطر على جرادة+على كرشي نخلي عرشي.
والعاقبة للمزيد المزيد.............................انتظروا الجديد
.
 

paradis

مشرفة منتدى الماجستير
رد: الامثال الشعبية الجزائرية

ههههههههههههههههههه ياأختي كريمة الله يحفظك تعرفي وينها اللي عجبتني بزاف "خلط روحك مع النخالة ينقبك الجاج"هههههههههههههههههههههه والله شابة وموزونة merci beaucoup et j'attendra le reste okye i'm wait you......thanks
 

زهور

عضو مشارك
رد: الامثال الشعبية الجزائرية

أختي كريمة شكرا على هذه الأمثال الرائعة سأضيف لكي هذه : المسبط ما درى بالحافي والزاهي يضحك على المهموم اللي راقد على القطيفة دافي واللي عريان كيفاش يجيه النوم + الدنيا مثلتها دليعة ومع الدليع تتكركب القافز عطى معاها ساعة والجايح مشى معاها قاع الدنيا مثلتها غابة حطابها رغاب هي تقول ما نقضاش(نكمل) وهو يقول مانشبعش
 

زهور

عضو مشارك
رد: الامثال الشعبية الجزائرية

السلام عليكم، أختي كريمة أنا زهور من العين الصفراء أعجبتني أمثالكي كثيرا أتممها لكي بهاته : اللي دارته الجارة للجارة يعمله ليها للحنجارة + الشفقة على الكريم صداقة+ سوايع الزهو لا تبدلها بسوايع القرح + المحنى ماشي بكب الروس حتى بين الدروس، يسرني أن أجمع لكي بعض من الأمثال في القريب العاجل، إلى لقاء قريب....
 

karikim

مشرفة سابقة
رد: الامثال الشعبية الجزائرية

شكرا يا هواة الامثالو خاصة لزهور.hello amina where are you.any way.i cant send to you message i dont know why.maybe. already.when you inscrip in this forum.you put a condition that you dont want receive any sms in your email maybe.but. you can send to me sms to my email .................so i wait your message soon..........see you amina......tcahaw.
 
أعلى