اتحدى أي شخص يقول سعدان ماكان حالة

سلام وعليكم ما رايكم في بودبوز الكل سيقول الحمد لله الي جابه قبل ما تديه فرنسا بصح غاضكم كيما غاضني عمري شادلي بصح ماعلابلناش بلي راه عارف شاراه يدير قاع قلتو لوكان وجه الدعوة للمحلين تخيلو رحو في مكان قدير امام الانجليز وامام اشلي كول يا جماعة راه عارف شاراه يدير اتركه يعمل اتركه يمر

ضمنا بودبوز وقدير وقديورة ومجاني حتى ل 2014 الشيخ راه يخمم للمستقبل
 
رد: اتحدى أي شخص يقول سعدان ماكان حالة

هههه والله ضحكتني خويا محمد سلامة دومينيك هو لي جابهملنا

لوكان استدعى بن زيمة وناصري وبن عرفة يا محمد خويا كانو يجيوك هاذ اللاعبين

نسقسيك على الخطة تاع دزاير ضد انجلترا تعتقد انو هو لي دارها
راك عارف فينغر واش قال لسعدان بعد مباراة سلوفينيا قالو علاه ما هاجمتش
وفينغر عندو خبرة بالانجليز مالا القالب مخدوم سعدان تابعناه من سنتين ولم يعتمد خطة مماثلة حتى ضد مصر ايام كنا في السودان فكيف يلهم بخطة عالمية كتلك ضد الانجليز علينا ان نعرف انه ليس صاحب الخطة مثلما يقال

اما اللاعبين فيا محمد خويا والله سلامة فرنسا لي قالتلهم منسحقكمش
مرة كافالي قال لبن زيمة لا يوجد اكثر من زيدان ،لكنه رفض اللعب للجزائر فاستحق ان يذل هكذا

لازم شوية واقعية خويا محمد العاطفة الجياشة الوطنية راها اكل فينا بصح لازم نشوفو بواقعية

تقبل رايي يا خويا محمد ساماراس هههه
 
رد: اتحدى أي شخص يقول سعدان ماكان حالة

السلام عليكم
أخي المحترم، تحية طيبة وبعد
يجب علينا بأن نكون في مستوى درجة فئة النخبة أو الطبقة المستنيرة التي ننتمي إليها، فمن حقنا تشجيع المنتخب الوطني دون أن يزايد الواحد منا على الأخر. ومن حقنا كذلك تقويم الإعوجاجات، وتصحيح الإختلالات.
ولكن ما لا يستساغ هو هذا الإغتراف الجزافي من قواميس الحياة البرية والأسواق الشعبية في التباري بإخراج سعدان مدرب من طينة رجال الفضاء، نقول هذا لأن البعض يجزمون بأن خسارة سلوفينيا كانت قاسية على المنتخب. وبمجردالتعادل مع انجلترا عادوا ليضعوا سعدان في القمة، مع التأكيد هنا أن سعدان وحده من يتحمل خسارة سلوفينيا والطريقية التي لعبنا بها أمام انجلترا بريئة منه براءة الذئب من دم يوسف. على اعتبار أنها من صنع أو الأحرى من فرض اللاعبين، وهو ما أكده أكثر من مصدر صديق أو عدو في الرياضة طبعا.
في الأخير، ما عساني إلا أن أقول نحن مرابطون على التلة، وقلوبنا كلها مع االمنتخب الوطني وتنمنيتنا له بالتوفيق. دون سبق الاصرار والترصد للشماتة والعياذ بالله.لكن نبقى واثقين بأن منتخبنا بلاعبيه الشبان وموهباتهم الفنية بحاجة لمدرب كفء ليس من الناحية الفنية وفقط. بل كفائته تشمل كذلك قوة الشخصية وخلق نزعة هجومية للفريق تجعله يضفي على هندسته الكروية رونقا أخر ليس كالذي عليه.
والظن عندنا، وبعض الظن أكيد ليس سعدان للأسف
هو مجرد رأي في الأخير تستطيع ضربه عرض الحائط أن لم يعجبك أو لم يقنعك.
تقبل أخي المحترم مروري المتواضع
 
رد: اتحدى أي شخص يقول سعدان ماكان حالة

هههههههههههههههههههه والله مضحكون هل تعتقدون ان لاعب محترف يفرض الخطة على المدرب طالب الناس سعدان بادخال بدبوز لقد دخل ليس لعيونكم فهو لم يسجل كما اعتقدتم ثانيا ليرفرض اللاعبون خطته على المدرب القادم وكي تكون اخي مع اللاعبين يبانولك بزاف صوالح
ثالثا لا يناقشني احد بدا يشجع المنتخب ف 7 جوان2009 ولياه
واذا كان كيما راكم تقولو نقدكم يجيب الفائدة خلو الشعب يدرب راه كاين المكلف بالاعلام وقولوله من بعد سعدان شا تدخلو وتخرجوا
اتحداكم عندما كنا نربح مبارة بعد مبارة في التصفيات ان لم تقولو الجيش شعب معاك يا سعدان وحتى ادا ماقلتوهاش هادوك لي قالوها علاه ما قلتولهمش سعدان ماراهش مدرب حتى قندوز اللي يكرهه فالدم قاله نحييك على الاداء وحي الدين خالف تاني وما قالولهش الله يخلف على ارسن فينغر يا عادل خيي منين جبتها قالهالك هو ولا شكيت ياك مع مصر في بليدة لعب بثلاثة مدافعين وظهرين وكنا خايفين كيفاه يلعب بثلاثة مدافعين قدام بطل افريقيا بزاف والله غير بزاف ونزيدكم ماكاش لي يناقشني بمقالات تاع الجرائد ربي يهلكمهم ان شاء الله وقولي عادل على الجرائدالفرنسية علاه راها جايتها ورا اللاعبين تاوعنا ماشي خطفنهم

بن زيمة ونصري بغاو يكونو الخليفة تاع زيدان راهم جابوها في رواحهم ونذكركم المباريات كلها وظروفها يالي تبعو لبالون مليح الكرة تلتعب على الجزئيات غلطة صغيرة غبرت خموا غير شوية ضرك تلقوها اللي بغيت نفهمها كفالي علاه ما ضغتوش عليه ولا ماتعرفوهش والله لاغاية ارسن فنغر راه لاهيلك واذا دار هو الخطة كي دار عرف طريقة لعب كل لاعب يعرف واحد و لا زوج بصح ايكيب ما شكيتش ياك لازمله وقت ولا كيفاه والله مايسمع بيكم الي عنده راه يخدم بيه ولوكان جيتو تخمو ي الاعبين يفرضوعليه التشكيلة راها توقع دبزة كبيرة قاع يبغو ا يلعبو ضد الانجليز



وفي الاخير سامحون نبغي نغضبكم ما تزعفوش سلام
 
رد: اتحدى أي شخص يقول سعدان ماكان حالة

اخييمبو من وقع انه سيدرب المتخب بعد سعان المحليين كانيين وقلال و ما يبغوش يدربوا بدليل سعجان هو الحيد الذي تقدم اما ع الاجانب الله يبعدهم عليناا

كاين واحد و شخص وحيد يقدرلها لكن للاف ما يتفاهمش مع روراوة الا وهو ماجر اما الدين يسمن بالتقنقين تاع 2 وجماعتم هادوك يعرفوا غير يحلو فوامهم
وكي يجي الاجنبي يسكتوا ا يولوش تقنين


تحياتي
 
رد: اتحدى أي شخص يقول سعدان ماكان حالة

اوواه خويا محمد علبالك عندك قصر نظر في التحليل الرياضي مع الاسف وتقبل ذلك مني
على اعتبار سني الصغيرة نوعا ما الا انني من متابعي المنتخب منذ 94 يوم لم نتاهل لكاس افريقيا
وعايشت الفترة اللاحقة بكل افراحها ومآسيها لذى ضربة 7/6/2009 نوعا ما خيالية

اتحداك ان يكون سعدان صاحب خطة انجلترا
اسألك سؤال سؤال بسيط هل شاهدت المنتخب الجزائري لعب في حياته الكروية بخطة تقترب الى حد ما من تلك الخطة ؟؟؟؟ انتظر جوابك

اما ضد مصر فلعبنا الشوط الاول بخطة 5/3/2 تحولت الى 3/5/2 ام انك نسيت لكن ما اعتمدناه ضد الانجليز يا اخي محمد كان كالاتي
3/3/3/1 عنتر حليش بوقرة /بلحاج لحسن يبدا /قادير زياني بودبوز/ مطمور
هل شاهدتنا لعبنا من قبل هكذا ؟؟؟؟
فنغر لا يمكن ان يمدح المنتخب هكذا لو لم تكن له اتصالات مع المنتخب
يا اخي محمد هناك محليين رائعين سواء مدربين او لاعبين لذى لا داعي للمزايدة المبالغ فيها

يوم جاء ماجر وكوّن منتخب محلي وذهب وجاء بالتعادل من بلجيكا رغم انها تحضر لكاس العالم في ذلك الوقت
تخوف البعض من المحليين لاسباب لن اذكرها لانها ليست رياضية

انا مع المنتخب وليس مع سعدان حتى ايام كنا نربح كنت اقول اللاعبين والمنتخب وليس سعدان

اتعرف ما سبب تاهلنا لكاس العالم اقسم انه ليس بسبب الخطط والمدرب انما بسبب ارادة اللاعبين في الذهاب لكاس العالم

لانهم يريدون الشهرة والتالق لشرائهم ليس الا
هل نسيت ان رونار عبث تكتيكيا بسعدان في البليدة ونجونا من هزيمة كانت لتكون كارثية لولا ضعف اللاعبين الزامبيين في التهديف مع عدم احتساب هدف شرعي لهم اخي محمد انا لا انتقد لانني اكره المنتخب انما لانني انتقد ان يكون مثل هؤلاء اللاعبين الرائعين تحت تصرف مدرب ضعيف ليس الا

يا سماراس خويا واش نقولك المدرب لي بعد عامين يقلهم معندناش انسجام متنتظر منو والو

هذا رايي بكل صدق تقبله او لا تتقبله لكنه رايي اتجاه المدرب
 
رد: اتحدى أي شخص يقول سعدان ماكان حالة

طبعا سنلعب بها نظرا لافتقارنا لمهاجمين حتى وان كان هناك مهاجمون فلا يجب الافراط في الهجوم ضد الانجليز واذا تلاقيت بارسن فنغر بلغله السلام كان لازمله يعطي الخطة للبلاده فرنسا هي اولى يا عادل كل فريق والخطة اللي لازم نلعبوله بيها ديجا اول مرة نلعبو للانجليز

اما عن اللاعب المحلي فقد اخذ فرصته امام ليبيا والمغرب وتأهل بصعوبة بالغة فما بالك ان تاخذ محليا الى كاس العالم وعمرك لا تحسب على المباريات الودية لانها لا تعكس شيءا وربما جربت ذلك

كما أرجو ان تنصح التوانسة والمغاربة بعدم جلب مدرب فالارادة تكفي اما عن زمبيا فاعتقد فوزنا عليهم في ديارهم جعلنا نستصغرهم هادا ماكان

تبع معايا مليح

مدرب ضعيف يقود بلده الى كاس العالم ثلاث مرات في تاريخها قاع ماتدخلش الراس والانسجام عادل خيي مورينيو فالريال قالهم عطوني 4 سنوات تلقوالانسجام وندو البوطولات ولا راني غالط ودائما مايرتبط اسم سعدان بفرحة الجزائريين

شكرا
 
رد: اتحدى أي شخص يقول سعدان ماكان حالة

ياااااااااااه محمد خويا

82 سلامة محي الدين خالف
86 كارثة الخلاف بين اللاعبي
2010 خلاف بين اللاعبين ما رايك اليس مدرب الخلافات

دومينيك ليس بحاجة لخطط فينغر انما بحاجة لارادة اللاعبين فقط
انت تعرف مالذي حدث مع الديوك رغم اني لا اشجعهم

زامبيا لم نستصغرهم انما الثعلب رونار هم من عبث بسعدان باعتراف الجميع

المهم اخي محمد اننا نشترك في حب الجزائر وهو المهم
 
رد: اتحدى أي شخص يقول سعدان ماكان حالة

كيراك عادل
82 محي الدن وسعدا ن
86ما وهشيد كيما يحب وزي مشكل المحرفين والمحليين
نسيت 2004 عادل خويا كي يروح سعدان روراو يا يلغالك تدرب ولا ينتدب مدرب جديد يسموه ارادة الاعبين للوصول كاس العالم

وصح قاع نبغو الجزائر وتحيا حنا

شكرا
 
رد: اتحدى أي شخص يقول سعدان ماكان حالة

اخي في كرة القدم لا يوجد مصطلح ضعيف او جيد وانما الحكم يكون وفق مستويات.....
لا اقول لك ان سعدان مدرب ضعيف ولكن اقول بان سعدان مدرب مستواه افريقي محلي....اما على الصعيد العالمي فالامر ليس بالهين عليه...
ما يعاب على سعدان هو انه:
1- لا يتحكم في اللاعبين: فالمشاكل التي حدثت سنة 1986 و 2010 في المنتخب ترجع الى شخصية سعدان الذي يتساهل كثيرا مع المحترفين و يكون اكثر صرامة مع المحليين...و لهذا السبب تحدث تلك المشاكل...
2-اللعب بخطة واحدة طوال المباراة و لا يغيرها رغم تغير خطة لعب المنافس....
3-الاعتماد على الاسلوب الدفاعي بشكل رهيب...فاخذه ل 8 مدافعين لكل مدافع لاعب يعوضه مقابل اخذه ل 3 مهاجمين فقط دليل على ذلك...
ثم ان الكارثة التي اصابتني بالهوس تصريحه بانه يحضر لمونديال 2014....هل يوجد منتخب في العالم يحضر لمونديال بمونديال اخر؟؟
لماذا اما سلوفينيا اشرك وسط ميدان دفاعي و هو منهزم؟؟؟
 
رد: اتحدى أي شخص يقول سعدان ماكان حالة

أخي انا نعرف حاجة برك عندما وقع سعدان مع الاتحادية قال هدفنا العودة الى كاس افريقيا لعبنا فوجدنا انفسنافي المونديال دون تحضير او انسجام بين لاعبين بعد ثبوت فشل اللاعب المحلي ما اظطرنا للاستنجاد بلاعبين جدد ما نكبروش كروش لكن ادا حبيت تشوف المنتخب دايما في المونديال لازم نخمو للبعد

في 86 ماشي هو لي ماتحكمش فرضوعليه التشكيلة لذللك كان ينادي بتركه ليعمل وحده متحملا للمسؤولية

2 انت مريح قدام تليفيزيون وهو فالملعب الي تشوفه انت ماشي كيما هو

3 تحسب المهاجمين الجزائرين راهم بالالاف ومابغاش يجيب وادا كاين شافهم ولقاهم ما يصلحوش

شكرا لمرورك الكريم
 
أعلى