إنتباه

مادا تفضل الجامعة أم الثانوية؟

  • الجامعة

    الأصوات: 4 36.4%
  • الثانوية

    الأصوات: 7 63.6%

  • مجموع المصوتين
    11
السلام عليكم يا إخوان
يا خاويتي نظرا للسماطة والتمسخير اللدان يسودان على منتدانا من مواضيع سخيفة كلمادا نعيش لمادا نتبسم وووو
أردت تغيير الأجواء من أجل زعاقة مفيدة للصحة لدا موضوع اليوم
كم نشتاق لأيام الثانوية والمئزر ونشتاق الظلم والإستبداد اللدان كنا نتعرض له إبان هده الحقبة والمراقبين اللدين يعلموننا ألا نقوم بتصرفات غير لائقة ومشينة وأن نحضر آبائنا من أجل أعينهم و المشهور billet ta3 el dakhla
وكم نشتاق إلى الأستادة كانوا يجلسون يتكلمون معنا ويطردوننا و نفرح لعدم مجيئهم وأستاد الفلسفة المسكين يأتي متكمشا إلينا ونحقره آه
اليوم هو للإستطلاع هل تفضل الجامعة أم الثانوية ولمادا؟
وأرجو منكم تقديم أطرف ما حدث لكم في تلك الفترة أبد أنا لأحدثكم عما كنت أقوم به في العربية
ماهي الفائدة في كتابة 50 ورقة تحليل النص؟؟؟ حتى النقاد سئموا من هدا أيضا فإبتكرت طريقة لقتل الوقت فأحرف كلام الأستادة إلى كلام آخر وأكتبه

هده مقتبسات من تحفي الفنية :يعاني علوان صراعا نفسيا يتمثل في مظهرين
1- لا يهم هنا
2-فهو الأشد مرارة يتجسد في إصطدامه بحافلة فورقونات أبيه.
إقتباس آخر: الصيغ البلاغية: الشاعر عالم بزوايا البليدة الخبيثة محب لوطنه لدا بيئة النص مزبلة فرنسية عاشت مناوات الناموس والدباب فلجأت إلى الكفا المسلح وهو الفليطوكس.
تلخيص النص:
يصور الكاميرامان حالة إجتماعية في عصره تدل على إنقسام الخلايا النباتية إلى طائفتين: طائفة الشيعة والأكراد
ووو الكثير الكثير .

أتدكر مرة أن أستاد الرياضة قال
الأستاد: نهار الثلاثاء معندكومش السبور
حنا: آآآآآآآآ السماطة تبا ووو
وحكمتنا أستادة الرياضيات فقالت
الأستادة: آآآحيي والله غير أديتكوم نهار الثلاثاء 2 سوايع la tache
حنا: آآآآآآآآ شيخة عندنا بارتيا تاع بالون
زادت الأستادة تاع العربية
الأستادة: نعم قيل لي أنكم في فراغ يوم الثلاثاء ؟ سوف آخدكم
أنا: آآآ يا أستادة نتيا ديتينا زيد تاع المات زيد تاع السيونس زيد
الأستادة: نعم قم قم
الأستادة: مادا قلت لكم؟
أنا : قلتيلنا بلي نحكمكم بالثلاثاء لكان عنكم وقت
هي : نعم أنتم مأخودين لدا لما الإنزعاج ....
وشكرا
 
التعديل الأخير:
رد: إنتباه

هههههههههههههه يا خوية طلعت مشاكس واحنا ما نعرف امزح معك موضوعك حلو بالمرة عجبني كثير
انا شخصيا افضل مرحلة الثانوية كانت اجمل مرحلة في حياتي عشت كل لحظة فيها والله يا ريت تعود
ما تخاف مو انت المشاكس الوحيد حتى اني كنت فتاة مشاغبة كثير مو هلا ههههههه والله كنت مهبلة استاد الرياضيات لين يصرخ ويقولي يا بنت والله طلعتيلي الشيب
ما في شئ وما عملته ليه يا رب يكون مسامحني
مشكور خوية مرة تانية على الموضوع المميز
تقبل مروري
وأخيرا أول الرد كنت نظن قاع الناس سيريو هنا -.-
على كل حال شكرا على المرور و نستعرف بيك هبليه الأستاد شيبيه أقتليه XD
 
رد: إنتباه

أنا أوافقك الرأي أخي بأن المنتدى تعمر بالسماطة و البسالة.....


كما أود أن أعترف بأن مرحلة الثانوية هي من أهم المراحل التي يعيشها المراهق, سواء كان نجيبا أم كان مشاكسا..

المهم أن هذه المرحلة لا يمكن تعويضها الى الأبد و هي مرحلة مؤثرن جدا في شخصية الطالب المستقبلية..


شكرا عزيزي على هذه الالتفاتة الطيبة منك.
 
رد: إنتباه

موضوع هايل خويا اسامة
كرهنا م روتين تاع المنتدى و سماطة
انا نفضل مرحلة الثانوية
بزاااف foort
بصح مكنتش مشاكسة
انا كنت عاقلة ..خاطيني اعمال الشغب ههههه
كانو الاساتذة مينداك كي ندير بزاف فوضى يخرجوني برك
surtt مع الرياضيات..كنت نكره الرياضيات و زادت الاستاذة منحملهاش هيا تاني
en tt cas كان حب متبادل مع الاستاذة
حكمتني م السنة الاولى حتى الثالثة...soufrans
 

inconnu_007

مشرفة منتدى العلوم الإقتصادية
رد: إنتباه

سلام وعليكم

والله رجعتلي دكريات بزاف و مشاغبات لا عد ولا تحصى

يا حسراه على ايام زمان

ديفوا نتفكر روحي نقعد غير نضحك

والله فوتنا يمات صحاح ومايتردوش

ماخلينا لا استاد لا زملاء لا مراقبين

وكيما قال خويا kse عندهم ما دارو فينا بلي بييي والكاشي فوق دفتر المراسلة

عندك افكار هايلة

شكرا على الانعاش
 
رد: إنتباه

واش يا خو ........نشاركوا بالسيف هههههههههههههههه

....
انا كنت رايحة نشارك.............بلا ما تعرض .......اولا انا ونظرا لعدم تمكنى ولوج اجواء الجامعه ..بعد ............فحتما ساقول واختار الجامعه .........لانني لم اجربها بعد .........وفي ذالك الوقت ان شاء الله يا اسامة ...........سوف اكون معك في صف واحد واقول نعم لاجواء اليسي ...........وطوايش الليسي ...........راني نحضر لوشيا طوايش لاخر السنة ...هدية فراقنا ان شاء الله ...........والعام الجاي عاود ديرنا هاد الموضوع ................ونحكيلك وش راين ندير اوكي...........تقبل مروري



عنجد موضوعك كتير حلو ..........
 
رد: إنتباه

إيه علابالك بلي في إنجليزية يقولو héracy معناه خارج عن القانون هدا هو حالك ههه
كيف لك أن تنكري كرم الثانوية التي حاوزتك و ضربتك ووو معليش راهو جاي النهار لي تبكي فيه على الثانوية
 
رد: إنتباه

إيه علابالك بلي في إنجليزية يقولو héracy معناه خارج عن القانون هدا هو حالك ههه
كيف لك أن تنكري كرم الثانوية التي حاوزتك و ضربتك ووو معليش راهو جاي النهار لي تبكي فيه على الثانوية
ا بعيد الشر عليا ............منبكيش عليها كونك هاني خويا اسامة ..................راني مالتها ......
 
رد: إنتباه

أنا كان عندنا أستاذ رياضيات وووووووووووووواعر كان كل يوم أحد يطلع التلاميذ الى الصبورة وياووووووووووويل اليغلط
أنا ماكانش يطلعني للسبورة تعرفوا وعلاه.........لأن لقبي يبدأ بحرف التاء وهو غير موجود في القائمة نتاع كراس القسم كانت ماكفاتش
وهكذا تهنيت منه نقصت الخلعة ...............تقبل مروري .
 
رد: إنتباه

ياسلام على ايام الثانوية المدير تاعنا كان مديها في روح بزاف وكان يكره القسم تاعنا كنا تاع مشاكل من سنة 1الى 3 خاصة سنة الثالثة كنت لو تدخل للثانوية وتقول3 تقج -تسيير واقتصاد جديد -يقولوك اعوذ بالله وعلى الاستاذ تاع المحاسبة يقولي دايما نهار bacتدي 7 وصح ديتها والاستاذة تاع الفلسفة طلعتلها السكر وتاع الفرنسية كانت ماتقريش غير لا كنت خارج القسم وحكاياتي مع الاساتذة ما تفضش كنت دايما يكتبولي في كشف النقاط نتائج ممتازة ولكن مشوشة كثيرا وحتى الان في الجامعة ،
 

عادل

عضو مميز
رد: إنتباه

وقيل من الابتدائي قاع مزهيتش خلاص

اكل فاتت ديقوطاج كاين شوية فالمتوسط بصح لا ترقى للابتدائي

واذا تحوسو على الطوايش وقيل فالمنتدى قاع مكانش طوايشي كيفي بصح هذاك الزمان ضرك خلاص كبر الواحد ههههه

شكرا كيلس...... كوبي شوية من اسمك تعبتنا يا خويا ههه
 
رد: إنتباه

أنا يا اخواني في الثانوية تعلمت ندافع عن الحقوق كيفاش.....
كان عندنا قسم فيه بنات الي يحكموا في البلاد كانت عندهن كل الامتيازات من التوقيت وأحسن الأساتذة .......الخ
احنا مسكتنالهمش ودافعنا للحصول على حقوقنا حتى بالاضرابات ضد الادارة وعندما يدخل الأستاذ لميعجبناش نغلق
الكراريس وممنوع الكلام ..............وقاموا بتعديل التوقيت وحسنوا من الأساتذة( النهائي) بصح قاموا باستدعاء كل الأولياء ...........
 
رد: إنتباه

ياسلام على ايام الثانوية المدير تاعنا كان مديها في روح بزاف وكان يكره القسم تاعنا كنا تاع مشاكل من سنة 1الى 3 خاصة سنة الثالثة كنت لو تدخل للثانوية وتقول3 تقج -تسيير واقتصاد جديد -يقولوك اعوذ بالله وعلى الاستاذ تاع المحاسبة يقولي دايما نهار bacتدي 7 وصح ديتها والاستاذة تاع الفلسفة طلعتلها السكر وتاع الفرنسية كانت ماتقريش غير لا كنت خارج القسم وحكاياتي مع الاساتذة ما تفضش كنت دايما يكتبولي في كشف النقاط نتائج ممتازة ولكن مشوشة كثيرا وحتى الان في الجامعة ،
مشكورة على الجواب
 
رد: إنتباه

أنا يا اخواني في الثانوية تعلمت ندافع عن الحقوق كيفاش.....
كان عندنا قسم فيه بنات الي يحكموا في البلاد كانت عندهن كل الامتيازات من التوقيت وأحسن الأساتذة .......الخ
احنا مسكتنالهمش ودافعنا للحصول على حقوقنا حتى بالاضرابات ضد الادارة وعندما يدخل الأستاذ لميعجبناش نغلق
الكراريس وممنوع الكلام ..............وقاموا بتعديل التوقيت وحسنوا من الأساتذة( النهائي) بصح قاموا باستدعاء كل الأولياء ...........
خوفتيني ممكن أديريها في المنتدى راكي رهن المراقبة
 

شنب

عضو جديد
رد: إنتباه

يا خوتي عجبتني حاجة في هذا الموضوع الجديد على المنتدى هي طريقة الهدرة لي كتبتوها دارجة حقيقية بصح كاين في الجزائر والله مايفهمو حية من هدي الدارجة الرائعة اللغة العربية الفصحة عادت صعيبة علينا سي نورمـــــــــــال خطراكش نستعملوها لا في القراية حتان عاد الواحد كي مايجي يكتب حاجة بالعربية الفصحة بـ 66 كشفة من تخيار الالفاظ الصحيحة واش رايكم نديرو موضوع خاص بلغتنا الدارجة ومسابقة لاحسن نص او قصة كلها حديث تاع دارجة
 
أعلى